Информация о материале

Автор: Super User

Тохсунньу ый 16 күнүгэр Улуус баһылыгын 2024 сыллааҕы үлэтин отчуоттуур мунньаҕа нэһилиэнньэ иннигэр буолан ааста. Бу күн кыттыыны ыллылар: Артамонов Илья Юрьевич - Уус Алдан улууһун баһылыгын 1 солбуйааччыта, Нафанаилов Сергей Сергеевич - культура управлениятын начальнига, Попов Петр Петрович - тыа хаһаайыстыбатын управлениятын начальнига, Бочкарев Степан Николаевич - ГУП ЖКХ главнай экономиһа, Васльева Сахайаана Васильевна - Уус Алдан улууһун киин балыыһатын кылаабынай бырааһын солбуйааччыта, Кузьмина Туйаара Михайловна - улуус финансовай управлениятын начальнига, Алексеев Евгений Петрович - улуус спортка отделын начальнига, Никонов Иван Иванович - үөрэх управлениятын начальнигын солбуйааччыта, Герасимов Руслан Николаевич - улуус капитальнай тутууларын уонна архитектуратын управлениятын начальнигын солбуйааччыта, Шепелев Сергей Петрович - нэһилиэктэри кытары үлэ отделын кылаабынай специалиһа, Машникова Ирина Петровна - улуус ветеринарнай управлениятын ООВМ группатын заведующайа, Андреева Мария Михайловна - улуус МКУ УМИ үлэһитэ, Исакова Тамара Владимировна - социальнай управление кылаабынай специалиһа, Васильев Николай Иннокентьевич - участковый, Колодезников Владислав Васильевич - Бороҕоннооҕу РЭС Тандатааҕы учаастагын маастара. Олохтоохтор долгутар боппуруостарын биэрэн онно сөптөөх эппиэти ылан тарҕастылар. 

Информация о материале

Автор: Super User

2024 сыл түмүгүнэн Р.В.Готовцев аатынан Байаҕантайдааҕы олохтоох библиотека "Дьиэ кэргэн" сылынан "Сыл бастыҥ ааҕар дьиэ кэргэн" номинацияны Алена Никитична, Күндүүнэ, Гаврил Гаврильевич Егоровтарга туттардыбыт. Күндү ааҕааччыларбытын "Сыл бастыҥ ааҕар дьиэ кэргэн" анал ааты ылбыккытынан итии - истиҥ эҕэрдэ буолуохтун. 

Орто туруу дойду орто сүнньүн тутуһан туругурун!

Күндүл Куйаар курдук киэҥ эйгэлээх буолуҥ!

Айыы сыдьаайын курдук сайда туруҥ!

Аҕа халлаан курдук айымньылаах буолуҥ!

Ийэ сир курдук сириэдийэ туруҥ!

Олоххут хас биирдии түгэнигэр сырдыгынан ыраланан,

Санаабыккыт сатабыллаах буолуохтун!

Туппуккут туола туруохтун!

Уурбуккут уйгулаах буолуохтун!

Информация о материале

Автор: Super User

Түөрт Геройдаах Байаҕантай нэһилиэгэр тохсунньу 14 күнүгэр "Сыл бастыҥнарын" чиэстээһин буолла. Байа5антай нэһилиэгин а5а баһылыга Егоров С.И. эҕэрдэ тылынан саҕалаан Байаҕантай нэһилиэгин Г.В.Егоров аатынан социальнай - экономическай сайдыыга кылаатын иһин бэлиэтин Вензель И.И. уонна ИП "Саха Вездеход" салайааччытыгар Никифоров А.Н. туттарда. Сыл бастыҥнарын бэлиэтээһиҥҥэ номинациялары туттарыы олохтоохтор талыыларынан маннык номинациялар туттарылыннылар. "Сыл бастыҥ көхтөөх дьиэ кэргэнэ" Любовь Семеновна, Айсен Андреевич Булдаковтар, "Сыл бастыҥ тэлгэһэлээх дьиэ кэргэнэ" Светлана Петровна, Влас Власьевич Матвеевтар, "Сыл бастыҥ оҕо - аймах мустар тэлгэһэлээх дьиэ кэргэнэ" Людмила Николаевна, Роман Артемович Шаповтар, "Сыл бастыҥ спортивнай дьиэ кэргэнэ" Анна Егоровна, Алексей Афанасьевич Никифоровтар, "Сыл бастыҥ талба талааннаах дьиэ кэргэнэ" Вероника Васильевна, Роман Романович Готовцевтар, "Сыл бастыҥ ситиһиилээх оҕото" Танда орто оскуолатын 6 кылааһын үөрэнээччитэ Уйгун Байаҕантаайап, "Сыл бастыҥ ааҕар дьиэ кэргэнэ" Алена Никитична, Гаврил Гаврильевич Егоровтар, Ветераннар түмсүүлэрин "Далбар Хотуна" Декабрина Афанасьевна Аргунова, "Сыл бастыҥ активиһа" Семен Гаврильевич Лукин, "Сыл бастыҥ мецената" Уус Алдан улууһун депутаттарын мунньаҕын бэрэссэдээтэлэ Иннокентий Иннокентьевич Аммосов, Айаан Ньургунович Никифоров, Элла Александровна Готовцева буоллулар. Сыл түмүгүнэн түөлбэ үлэлэрин чэрчитинэн маннык миэстэлэр туттарылыннылар 1 миэстэ "Алгыстаах Алаас", 2 миэстэ "Сардаана", 3 миэстэ "Эрчим", 4 миэстэ "Түмсүү". 

Уоппускатыгар кэлэ сылдьар биир дойдулаахпыт, анал байыаннай дьайыы кыттыылааҕа Находкин Руслан Иванович айар биэчэрин биир дойдулаахтарыгар бэлэхтээтэ, ырыатын тойугун бэлэх уунна. Түмүккэ баһылык Егоров С.И. саха быһаҕын уонна В.Д.Лонгинов аатынан знак туттарда. Улууспут аатыттан Аммосов И.И., Байаҕантай нэһилиэгин олохтооҕо тимир ууһа Уус Алдан Улууһун маастара тутан - хабан оҥорбут алгыстаах хомуһун алҕаан туран туттарда. Бииргэ үөрэммит оҕолоро, учуутала Ноговицина М.П., тэрилтэ салайааччылара, түөлбэтин олохтоохторо эҕэрдэ суруктарын туттардылар. 

Информация о материале

Автор: Super User

Тохсунньу - Таҥха ыйа. Былыр - былыргыттан тохсунньуга биһиги өбүгэлэрбит таҥха иһиллииллэрэ.  Онон таҥха дьылҕа таҥараларыттан биирдэстэрэ саха киһитин оҥоһуутун билгэлиир итэҕэлэ. Ол барыта үөһээ халлааҥҥа суруллан бэлиэтэнэр. Тохсунньуга ууттан сүллүүкүүттэр тахсаллар. Бастаан "уот оттоочулар" диэннэр тахсаллар, тахсан эргэ өтөхтөрү, быраҕыллыбыт дьиэлэри сөргүтэн олохсуйаллар. Онтон кырдьаҕастар, оҕо, дьахтар тахсар. Сүллүүкүүн олус элбэх оҕолоох. Олорун түүн оҕуска тиэйэн таһаарар. Сүллүүкүүттэртэн сэрэнэн, бу кэмҥэ түннүккэ кириэс саайаллара. Киһи кута барсыа диэн таҥаһы таһырдьа хаалларбаттара. Сүллүүкүүннэр киириилэригэр саамай кэнники суол сабааччылар киирэллэр. Кириһиэнньэҕэ айылҕа уута барыта ырааһырар, сибэтиэй буолар диэн өйдөбүл баар. Сибэтиэй уу киһини эмтиир, күүһү - сэниэни киллэрэр, куһаҕан күүһү тэйитэр. 

Биттэнии - билгэлэнии күннэрэ былыргыттан күн бүгүнүгэр диэри сүтэн - оһон хаалбакка тиийэн кэллилэр. Биһиги Таҥханы сэҥээрээччилэргэ аныгы олох сиэринэн хаһыаттартан, дьонтон - сэргэттэн билбиппитин эһиэхэ выставка быһыытынан туруордубут.