Информация о материале

Улууспутугар буолаары турар 8 Саха сирин спортивнай оонньууларын чэрчилэринэн, Саха автономиятын 100 сылыгар уонна нэһилиэкпитигэр Аҕа, эр киһи сылыгар аналлаах "Сыалы тап" коммерческай күрэх буолла. Күрэхтэһии үөрүүлээх аһыллыытыгар Саха көрдөрөр иһитиннэрэр хампаанньа тэрийэн ыыппыт "НВК Кубогын" иһин күрэххэ кыттыбыт Егоров Иван Гаврильевич, Лукин Семен Гаврильевич, Дорофеев Максим Николаевич нэһилиэкпит хамаандатын кыттыылаахтарыгар нэһилиэк баһылыга Савва Иванович Егоров махтал суруктары уонна бэлэхтэри үөрүүлээх быһыыга туттартаата.

Информация о материале

Саха Сирэ буолан сатараабыт, урааҥхай буолан уруйдаммыт, Саха киэнэ ааттааҕа дэнэн төрүттэммит кэммит 100 сыллаах өрөгөйдөөх үбүлүөйүн көрсө  И.П.Готовцев аатынан Тандатааҕы историко-архитектурнай музей тиэргэнигэр өрө көтөҕүллүүлээх тэрээһин буолан ааста. Бу тэрээһиҥҥэ бары тэрилтэ үлэһиттэрэ, оскуола оҕолоро, нэһилиэк олохтоохторо бары сахалыы таннан кэлэн сэлэлээн параадтаан киирдибит. Тэрээһин үөрүүлээх аһыллыытыгар улуус культуратын начальнига Аммосов И.И. уонна нэһилиэк баһылыга Егоров С.И. эҕэрдэлээтилэр.

Информация о материале

Ханна да буоларын курдук Улуу Кыайыы күнэ Байаҕантай нэһилиэгэр өрө көтөҕүллүүлээхтик ааста. Төһө да күн дьыл туруга ардаатар, хаардаатар даҕаны нэһилиэк олохтоохторо ыччаттара Кыайыы параадыгар оҥостон кэлэн сэлэлии хаамтылар. Оскуола оҕолоро эбээлэрин, эһээлэрин, хос эбээлэрин, хос эһээлэрин мэтириэттэрин тутан үйэлэргэ өлбөт сүппэт полк кэккэтигэр хаамыстылар. Нэһилиэк олохтоохторо олорор түөлбэлэринэн Россия аармыйатын сэбилэниилээх күүстэрин көрдөрөр гына оҥостон, таҥнан симэнэн кэллилэр.Үөрүүлээх миитиҥҥэ үлэ, тыыл бэтэрээнэ Николай Николаевич Новгородов ыччат дьоҥҥо анаан Улуу Кыайыы хайдах курдук ситиһиллибитин ирэ-хоро кэпсээтэ. Нэһилиэк баһылыга Савва Иванович Егоров эҕэрдэлээтэ. Россия Үлэҕэ Геройа Михаил Николаевич Готовцев аатынан Танда орто оскуолатын үөрэнээччилэрэ байыаннай хаамыыны көрдөрдүлэр. "Кыайыыны уһансыбыт ырыалар" кылааһынан ырыа күрэҕин кыайыылаахтара 4-5-11 үөрэнээччилэрэ байыаннай  ырыалары ыллаатылар. Тандатааҕы норуот айымньытын киинин үлэһиттэрэ "Саллаат хааһытынан" күндүлээн полевой кухняны үлэлэттилэр. Бу нэдиэлэ устата Тандатааҕы Роман Власьевич Готовцев аатынан олохтоох библиотекаҕа Победа в сердце каждого" диэн ааттаах кинигэ выставката турда. Нэһилиэк түөлбэлэрин икки ардыгар байыаннай ырыаҕа дуэт, бөлөҕүнэн үҥкүү күрэҕэ олус элбэх киһини биир өйгө-санааҕа түмтэ. Күрэх түмүгүнэн дуэтнай ырыаҕа: 1 миэстэ - Алгыстаах алаас, 2 миэстэ - Сардаана, 3 миэстэ - Түмсүү, 4 миэстэ - Эрчим, 5 миэстэ - Кустук түөлбэлэр буоллулар. Бөлөҕүнэн үҥкүү күрэҕэр: 1 миэстэ - Эрчим, 2 миэстэ - Сардаана, 3 миэстэ - Кустук, 4 миэстэ - Алгыстаах алаас, 5 миэстэ - Түмсүү түөлбэлэр буоллулар. Улуу Кыайыы күнэ сыллар аастахтарын аайы  өлбөөдүйбэтин, эйэлээх олоҕу уһансыбыттар ааттара сүппэтин!

Информация о материале

Ыам ыйын 12 күнүгэр Танда орто оскуолатын 3 кылаас үөрэнээччилэригэр библиотечнай урок буолла. Бу уруокка оҕолор интерактивнай дуоскаҕа бэриллибит задаанньалары толордулар, задаанньа 5 разделлаах, хас биирдии раздел 7 боппуруостаах. Ону таһынан сэбиэскэй мультик геройдарынан викторина ыыттыбыт. Кыайыылаах оҕолорго грамота үгэс буолбут линейкаҕа туттарыллар. Оҕолор олус активнайдар, библиотекаҕа сылдьан кинигэ уларсан ааҕаллара биллэр.

  1. Сүбэ мунньах
  2. Конференция