Ахсынньы ый 5 күнүгэр "Рисуем все" проект көһөрүллэ сылдьар кубога Тандаҕа кэллэ. Кубогы Баатаҕай нэһилиэгин аҕа баһылыга Белолюбскай Михаил Михайлович, детсад методиһа Кристина Спартаковна Сыроватская, олохтоох библиотека сэбиэдиссэйэ Августина Петровна Пермякова, оскуола социальнай педагога Агафья Егоровна Готовцева арыаллаан аҕалан М.Н.Готовцев аатынан Танда орто оскуолатын директорыгар К.Г.Готовцевка туттардылар. Бу күн детсад оҕолорун уонна оскуола үөрэнээччилэрин уруһуйдара выставкаланна, уһуйаан иитиллээчилэрэ эҕэрдэ ырыаларын бэлэх ууннулар. Маны таһынан Баатаҕай нэһилиэгин делегацията Н.Н.Тарскай туһунан тахсыбыт кинигэлэрин оскуола уонна нэһилиэк олохтоох библиотекатыгар бэлэх ууннулар.