Тохсунньу 11 күнүгэр саргылаах саҥа дьыл салаллан кэлбитинэн нэһилиэкпит ытык мааны, аҕам саастаах дьонноругар Саҥа дьылы көрсүү буолан ааста. Бу күн аҕам саастаах дьоммутун Тымныы Оҕонньор, Хаарчаана сиэнинээн эҕэрдэлээтилэр. Мааны астаах остуол тула олорон ырыа, үҥкүү, көрдөөх оонньуулар, араас күрэхтэр буоллулар. Ону таһынан маскарад күрэҕэ ыытылынна. Тэрийээччилэрбитигэр, Федоров С.К. салайааччылаах ветераннар түмсүүлэрин бары активистарыгар, араас күрэхтэри тэрийбит Находкин А.А. салайааччылаах кулууп үлэһиттэригэр, призтары туруорбут дьоммутугар, түмсүүнү өйөөбүт нэһилиэк баһылыгын солбуйааччытыгар Сивцев А.Н. махталбытын тиэрдэбит.