Печать

Саха Сирэ буолан сатараабыт, урааҥхай буолан уруйдаммыт, Саха киэнэ ааттааҕа дэнэн төрүттэммит кэммит 100 сыллаах өрөгөйдөөх үбүлүөйүн көрсө  И.П.Готовцев аатынан Тандатааҕы историко-архитектурнай музей тиэргэнигэр өрө көтөҕүллүүлээх тэрээһин буолан ааста. Бу тэрээһиҥҥэ бары тэрилтэ үлэһиттэрэ, оскуола оҕолоро, нэһилиэк олохтоохторо бары сахалыы таннан кэлэн сэлэлээн параадтаан киирдибит. Тэрээһин үөрүүлээх аһыллыытыгар улуус культуратын начальнига Аммосов И.И. уонна нэһилиэк баһылыга Егоров С.И. эҕэрдэлээтилэр.

Тэрилтэлэр икки ардыларыгар сылын аайы ыытыллар "Таптыыбын төрөөбүт дойдубун" Саха сирин туһунан ырыаны бөлөҕүнэн толоруу күрэҕэ буолла. Оҕолорго уруһуй күрэҕэ үс бөлөҕүнэн араарыллан ыытылынна. Ону таһынан тэрилтэлэринэн алаадьы арааһыгар күрэх буолла. Бу күн музей төрүттэммитэ 70 сылынан музейы төрүттээччи РСФСР уонна САССР оскуолаларын үтүөлээх учуутала, САССР культуратын үтүөлээх үлэһитэ, кыраайы үөрэтээччи Готовцев И.П. аналлаах саҥа истиэндэ арыллыыта буолла. Бу күн олохтоох библиотека кинигэ выставкатын туруорда уонна "Төрөөбүт дойдугун төһө билэҕин" диэн тэрилтэлэр икки ардыларыгар викторина күрэҕин ыыттыбыт. Тэрээһин флешмобунан уонна оһуохайынан түмүктэннэ.