Кулун тутар 21 күнүттэн кулун тутар 24 күнүгэр дылы Дьокуускай куоракка "Манчаары" аатынан "Модун" спортивнай комплекска "Кубок НВК" күрэҕэ буолан ааста. Байаҕантай нэһилиэгиттэн баһылык С.И.Егоров, В.Д.Лонгинов аатынан "Түһүлгэ" сынньалаҥ киинин үлэһитэ И.Г.Егоров, МПЧ-4 суоппара М.Н.Дорофеев уонна эдэр кэскиллээх спортсмен С.Г.Лукин баран ситиһиилээхтик кыттан кэллилэр.

Күрэх барыта 9 этаптан турар этэ. Күөн көрсөөччүлэрэ Горнай улууһа,  Уус Алдан Тумула уонна Бүлүү улууһа.  Биһиги дьоммут финалга киирэн, муус устар 8 күнүгэр "Чочур Мырааҥҥа" күүстээх хамаандалары кытта күрэхтэстилэр. Финалга 3 миэстэни ылан оҕо  площадкатынан наҕараадаланнылар.