Кулун тутар 8 күнүгэр Байаҕантай нэһилиэгэр Республика Ил Дархана биллэрбит "Ийэ сылын" үөрүүлээх аһыллыытын чэрчитинэн, 13 Герой ийэ скверигэр сүгүрүйүү, махтаныы бэлиэтин сибэкки дьөобөтүн ууруу тэрээһинэ буолла. Бу тэрээһиҥҥэ бэлэмнээн М.Н.Готовцев аатынан Танда орто уопсай үөрэхтээһин оскуолатын 10-11 кылаас оҕолоро уруоктарын кэннэ сквер хаарын күрдьэн күүс көмө буоллулар.

Тэрээһин күнүс 11 чаастан саҕаламмыта. Герой ийэлэр оҕолоро, аймахтара кэлэннэр сквергэ сибэкки дьөрбөтүн уурдулар, олохтоох баһылык Савва Иванович эҕэрдэ тылын иһиттилэр. Ол кэннэ мустубут дьон И.П.Готовцев аатынан историко-архитектурнай музейы баран көрдүлэр. Бу күн Р.В.Готовцев аатынан олохтоох библиотекаҕа Герой ийэ Аргунова Агафья Федотовна оҕолоро, сиэттэрэ, аймахтара кэлэн "Ийэттэн саҕаланар киһи төрдө, аал уот, алаһа дьиэ" диэн выставканы көрдүлэр. Киэһээ өттүгэр олохтоох талааннаах дьон эҕэрдэ концерта буолла. Бу күн олус сэргэхтик, үөрүүлээхтик ааста.